U shitën në Zvicër të gjitha 25 makinat super të shtrenjta që i përkisnin djalit të ish presidentit të Guinea Bissau, Teodoro Obiang, i cili sundoi për 4 dekada në vendin e vogël afrikan.
Teodoro Nguema Mangue, djali i diktatorit afrikan, njëkohësisht edhe zëvendës president i vendit, u akuzua për pastrim parash nga autoritetet zvicerane, dhe si pasojë iu sekuestrua koleksioni i tij i makinave të luksit.
Ankandi, i ndodhur në një klub golfi afër Gjenevës, ishte një sukses nga i cili u arkëtuan rreth 25 milion euro. Koleksioni përfshinte modele të rralla si një Lamborghini Veneno, një model La Ferrari dhe një Koenigsegg One, ekzemplarë pothuajse unik në botë.
Një lajm i mirë është edhe fakti që shuma e konsiderueshme do të shkojë në projekte bamirësie pikërisht në vendin e pasur nga burimet e shumta të naftës, por të shfrytëzuar prej dekadash nga familja Obiang.
