Departamenti i Shtetit amerikan me anë të një postimi në rrjetet sociale të zëdhënëses së saj Morgan Ortagus ka vlerësuar vendimin e Shqipërisë për të dëbuar dy diplomatë iranianë, zyrtarisht për “mospërputhje me statusin e tyre dhe parimet e Konventës së Vjenës për Marrëdhëniet Diplomatike”.
Në postimin e saj, Ortagus deklaron se Shtetet e Bashkuara “lavdërojnë Shqipërinë për vendimin e saj për të dëbuar të ashtuquajturit diplomatë iranianë”.
Zëdhënësja e Departamentit të Shtetit vijoi duke cilësuar se “regjimi iranian vazhdon të përdorë godinat e tij diplomatike në Europë dhe jo vetëm si mbulim për përgatitjen e sulmeve terroriste, duke kërcënuar dhe spiunuar iranianet që banojnë jashtë vendit të tyre”.
We commend the government of #Albania’s decision to expel two of #Iran’s so-called diplomats. The Iranian regime continues to use its diplomatic facilities in Europe and elsewhere as cover to plot terrorist attacks, as well as to threaten and spy on Iranians living abroad.
— Morgan Ortagus (@statedeptspox) January 16, 2020
