Afrim Berisha, babai i 11-vjeçarit shqiptar që u nxor nga kampi ‘Al Hol’ ka folur t për Report Tv duke treguar momentet teksa i biri u shpëtua. Ai tha se djali kishte frikë në momentin e operacionit kur u shpëtua, por e qetësoi nga telefoni duke i thënë ‘babi mos ke frikë se ata janë shokët e babait, jam këtu afër duke të pritur’. ‘E mirë babai’ më tha jam duke ardhur’. Berisha theksoi se nga Damasku ku ndodhet aktualisht, Alvini pritet që të udhëtojë drejt Libisë dhe më pas në Itali ku do të bashkohet me familjen.
Kur do të ribashkoheni me djalin tuaj?
Akoma nuk informacion se kur do të vijë, por fëmija është mirë. Tani presim të sqarojmë çfarë dite, pasi është rrugë e largët nga Damasku do të shkojë në Libi.
Ju ku duhet të prisni?
Unë do të pres në Itali. Jam në pritje kur do të vijë avioni.
Kur e kanë nxjerrë nga kampi?
Alvini ka dalë dje nga kampi
Kur e keni marrë vesh?
Dje paradite nga ora 10:00-11:00. Kam pasur kontaktet me ata që kanë shkuar..
Kush u ka njoftuar?
Kam kontakte, Kryqi i Kuq dhe Gjysmë Hëna e Kuqe.
Ku ka qëndruar gjatë kësaj dite?
Dje e ka lënë kampin dhe kanë udhëtuar me makinë, gjatë gjithë lëvizjes kam pasur kontakte me djalin
A ke folur me djalin?
Po, shumë shpesh, vazhdimisht. Ai nuk i njeh njerëzit, kishte frikë ku do e çonin dhe çfarë po bëhet. I thashë, ‘babi mos ke frikë se ata janë shokët e babait, jam këtu afër duke të pritur’. ‘E mirë babai’ më tha jam duke ardhur. Edhe një doktoreshë e Kryqit të Kuq ka qenë vazhdimisht me atë, kam pasur kontakte.
Është mirë besoj?
Po, shumë mirë. Kur i thashë se janë shokët e babait dhe se nuk ndodh asgjë, por do të sjellin te babai që jam shumë afër. Unë kam pasur kontakte, kam tre vite në Itali. Që 5 vite që merren, shumë faleminderit nga kryeministri, zoti Lleshaj më ka marrë mbrëmë ma konfirmoi, më solli foton. E kisha që nga ora 10:00. Faleminderit të gjithëve, ishalla më vjen djali sa më shpejt dhe fëmijët që ndodhen atje.
A i keni humbur shpresat ndonjëherë?
Unë kam luftuar gjithmonë, e kam ndjekur ku ka qenë, se është gjallë, ku është plagosur. Kam shkuar. Në Siri kam qenë…Shpresën nuk e kam humbur asnjëherë, gjallë a vdekur djalin do e marrë.
Çfarë është gjëja e parë që të shkon në mendje?
Do të merrem me të atë, do ta çoj në spital dhe të gjitha, do ta kontrolloj vazhdimisht, këmbën e ka të plagosur.
Ka përveç Alvinit, a edhe fëmijë të tjerë atje, cili është mesazhi juaj?
Unë gjithsesi do të ndihmoj edhe fëmijët e tjerë.
