Bashkimi Europian duket se ka siguruar sasinë më të madhe të dozave në botë. Sipas mediave franceze, të 27-ta vendet anëtare kanë porositur paraprakisht 14 miliardë doza për 447 milion banorët e unionit, domethënë 3.1 doza për një europian, ndërkohë që për një amerikan ka 3 doza.
Komisioni Europian tani ka siguruar kontrata me gjashtë kompani, duke bërë të mundur që qytetarët e parë europianë të vaksinohen para fundit të dhjetorit. “Më në fund ka dritë në fund të tunelit”, tha Presidentja e Komisionit Ursula von der Leyen, duke folur në Parlamentin Europian.
“Vaksinat janë të rëndësishme, por ato që vlejnë janë mekanizmat për shpërndarjen e tyre. Shtetet Anëtare duhet të përgatiten tani”, tha ajo. Sipas presidentes së KE-së, të gjitha vendet duhet të përgatiten logjikisht për shpërndarjen e qindra miliona dozave. “Sepse kjo është bileta jonë për në këtë mënyrë për të dalë nga pandemia”, tha ajo.
Sipas një zyrtari të BE të përfshirë në bisedime me kompani farmaceutike, Bashkimi Europian mund të paguajë më shumë se 10 miliardë dollarë për të siguruar qindra miliona doza të vaksinave kandidate të zhvilluara nga Pfizer-BioNTech dhe CureVac.
BE ka rënë dakord të paguajë një çmim fillestar prej 4.65 miliardë euro për 300 milion doza. Informacioni mbi çmimet, i cili nuk është zbuluar më parë, konfirmon që BE paguan më pak për një dozë sesa Shtetet e Bashkuara.
Pra, duket se eropianët janë në një pozitë të privilegjuar. Sipas listës përkatëse të “Duke Global Health Innovation Center”, pasi vetëm australianët (5.2), britanikët (7.3) dhe kanadezët (9.5) kanë siguruar më shumë doza për frymë.
