Juventus udhëton në “San Siro”, që do jetë i tejmbushur, këtë të shtunë për Serie A, një sfidë ndaj Interit, që për ta nuk vlen shumë, por rivaliteti është ajo që mban gjallë këtë sfidë. Në konferencë për shtyp foli trajneri Massimialiano Allegri, që pak e preku ndeshjen, por u fokusua tek Juventusi i ardhshëm dhe dështimi në Champions League.
Inter-Juve: “Nesër, si çdo Inter-Juve do të jetë një ndeshje e bukur dhe ne duhet të vijojmë të marrim rezultate, sepse që nga ky moment e deri në fund ne kemi qëllimin që të marrim pikë në këto ndeshje që na japin stimuj.”
Chiellini – “Giorgio është kthyer dhe nesër do të luajë. Bentancur ka lodhje muskulore. Të tjerët janë të gjithë mirë dhe janë gati të luajnë një ndeshje të mirë.”
Icardi në stol – “Mauro është një lojtar i jashtëzakonshëm. Nëse do jetë në fushë, ne duhet të jemi të zotë dhe të mos i japin asnjë mundësi.”
Takimi me Agnellin dhe shtysa për të vazhduar – “Si çdo vit, edhe këtë herë pikë së pari do të kemi krijimin e një plani të ri dhe objektivave në nivel të vlerës së ekipit dhe të gjithë atyre që punojnë tek Juventus, të jemi konkurrues si çdo herë tjetër. Do analizojmë se çfarë shkoi mirë e çfarë shkoi keq dhe do të bëhen vlerësime. Sezoni i ri duhet të fillojë në mënyrën e re më të mirë dhe të krijojmë kushtet për një sezon të ardhshëm si fitues.”
Shkaku i eliminimit nga Champions League – “Është e vështirë për ta thënë. Champions është një kompeticion sa i bukur edhe ‘bastard’. Sepse vjen në kohën kur skuadra nuk është në momentin më të mirë, Ne bëmë mirë deri para pushimeve, më pas patëm shumë dëmtime. Rifilluam, fituam Superkupën. Me Atletico Madrid bëmë një ndeshje të zakonshme, pastaj patëm shumë dëmtime. Këtë vit nuk qenë e lehtë, sepse nëse nuk shtynim për të siguruar kampionatin, mund ta kishim rrezikuar edhe atë.”
Marotta si kundërshtar – “Nesër do kem kënaqësinë ta takoj sërish. Me të kam kaluar momente të rëndësishme dhe vite të bukura. Me atë, Paratici, Nedved dhe presidentin Agnelli kemi bërë një punë të madhe duke rritur këtë kompani dhe mendoj se kemi pasur suksese të jashtëzakonshme. Jemi profesionistë, rrugët ndahen, por kjo nuk harron gjërat e mirë që kemi bërë më parë.”
Douglas Costa – “Çfarë mund të them, ai luajti në katër ndeshjet e para dhe më pas nuk luajti kurrë. Është një lojtar i rëndësishëm, mbi të gjitha një lojtar për Champions, por ai është gjithmonë i dëmtuar. Nuk e di nëse është i bardhë apo i zi, se kam parë shumë atë.”
Juve nën vëzhgim – “Jo, absolutisht nuk ndihemi nën vëzhgim. Në Ferrara kemi luajtur një lojë të mirë, nesër është Juve-Inter. Ne luajmë para mbi 70,000 tifozëve, në një stadium të mrekullueshëm, ne duhet do të bëjmë më të mirën që mund të përpiqemi të arrijmë me një rezultat që është gjithmonë i rëndësishëm për shkak se na bën të ndihemi më mirë. Nuk është se ne do të shkojmë sa për figurë, ne jemi Juventus, ne synojmë të marrim pikë të tjera dhe ne kemi ndeshje që na stimulojnë”.
