Pas rreth një ore në zyrën e kryeministrit grek Kiriakos Micotaqis, Kryeministri Edi Rama thotë se pati një bisedë me frymë bashkëpunuese.
Në një intervistë për euronews.gr shefi i qeverise shqiptare tha se Shqipëria është një shembull për respektimin e minoriteteve.
“Shqipëria është shembulli i shndritshëm i të drejtave të pakicave dhe grekët kanë jetuar atje për shumë vite, në të njëjtat kushte si shqiptarët. Po, kur ka probleme, ato janë të njëjta për të gjithë, jo për një pakicë apo tjetrën. Është marrëzi të bësh ndarje të kësaj natyre”, tha Rama.
Pronat
Çështjen e pronave të minoritareve kryeministrit shqiptar, e ka konsideruar politike: “Për sa i përket ligjit, ne kemi punuar në afatgjatë për të zgjidhur problemet. Ajo që ne po përpiqemi të bëjmë është thjesht për të reformuar sistemin dhe ti japim fund korrupsionit me pronat. Por nuk ka të bëjë vetëm me pakicën greke, por për të gjithë“.
Kufiri detar
Më pas një pyetje sa i takon temës së nxehte të kufirit detar, për të cilën Rama tha se shpreson shumë që të punojë me qeverinë e re të Micotaqis duke vijuar punën e bërë në diskutimet me qeverinë e kaluar: “Ne kemi punuar me qeverinë e mëparshme për ca kohë dhe me përparim të rëndësishëm dhe duhet të vazhdojmë të punojmë me qeverinë e re, duke shpresuar se do të gjendet një zgjidhje konsensuale”.
Vrasja e Kacifas
Kryeministri nuk mund t’i shmangej një pyetje edhe për vdekjen e Kacifas një vit më parë në Bularat kur pat deklaruar se lëvizja e tij me armë në fshat ishte një çmenduri ekstremiste: “Kam besuar dhe besoj se dikush që drejton botën duke mbajtur një armë dhe duke kërcënuar jetën e njerëzve është i rrezikshëm”.
Sa i përket faktit nëse vdekja e Katsifa mund të çojë në konflikt të vazhdueshëm midis komunitetit grek dhe shqiptar, Rama tha se nuk është aspak dakord dhe nuk ka arsye të jetë kështu: “Përkundrazi, besoj se historia e dy komuniteteve tregon se pa intervista politike ose axhendat e ndryshme politike, ato janë një. Prandaj nuk ka ndarje në zemrat e komuniteteve ku shqiptarët dhe grekët kane jetuar së bashku për shumë vite. Ata janë shembulli i ndritshëm se si politika duhet të merret me atë që ne jemi fqinjë, jetojmë së bashku dhe e duam njeri-tjetrin. Askush nuk duhet të fitojë mbështetje duke ushqyer urrejtje, asgjë e keqe nuk mund të ndodhë“.
