“Serbia do të kontrollojë të gjithë pasagjerët që mbërrijnë në aeroportin “Nikola Tesla” në Beograd përmes kamerave termike dhe është e gatshme të vendosë në karantinë këdo që është i prekur nga koronarovirusi i ri”, kështu deklaroi ministri serb i Shëndetësisë, Zlatibor Loncar pas panikut në shtim për virusin e ri që është shfaqur në Kinë dhe po përhapet me shpejtësi.
Deri tani nuk raportohet asnjë shtetas serb i infektuar nga ky virus që shkakton infeksion të rëndë në mushkëri, i cili origjinën e ka nga qytetin kinez i Wuhan dhe mund të përhapet mes njerëzve.
Mijëra shtetas kinezë jetojnë dhe punojnë në shtetin ballkanas dhe më shumë se 100 mijë turistë kinezë e vizituan ata gjatë vitit 2019.
Ministri Loncar shton se persona që do të shfaqin temperaturë të lartë do të vendosen në karantinë dhe transferohen në Klinikën e Sëmundjeve Ngjitëse për monitorim të mëtejshëm.
Ai paralajmëroi qytetarët serbë që të shmangin udhëtimet në zonat e infektuara, megjithatë i siguroi ata se janë marrë të gjitha masat e nevojshme për të përballuar një epidemi të mundshme nga ky virusi i ri, i ngjashëm me SARS.
