Një shpërthim i fuqishëm ka ndodhur mesditën e së dielës në një fermë peshku në Prevezë, pranë fshatit Khokhla, në Greqi.
Si pasojë dy persona kanë humbur jetën dhe një tjetër ka mbetur i plagosur rëndë.
Sipas informacioneve të para, shpërthimi është shkaktuar nga një shishe propan, rreth orës 15:30, kur dy punëtorë, një me origjinë greke dhe një me origjinë shqiptare, po kryenin punimet e saldimit me oksigjen në vend.
Dy burrat e moshës 39 dhe 40 vjeç u plagosën rëndë dhe vdiqën pak më pas, shkruajnë media greke.
