Trupi i njeriut, pavarësisht se sa vite ka që studiohet, vazhdon të na habisë. Një studim i publikuar në “Science Alert” ka konfirmuar zbulimin e një organi të ri në kokën tonë.
Një organ me gjatësi mesatare 3.9 cm është fshehur prapa hundës. Studiuesit në Institutin Hollandez të Kancerit e kanë zbuluar atë aksidentalisht duke përdorur një kombinim të skanimeve CT dhe skanimeve të emisioneve të pozitronit (PET) të quajtura PSMA PET-CT për të studiuar kancerin e prostatës.
E vendosur në pjesën e sipërme të fytit në rajonin e nazofaringit prapa hundës, organi i ri është një grup i gjëndrave të pështymës mesatarisht me gjatësi rreth 3.9 centimetra. Studiuesit besojnë se gjëndrat ndihmojnë në vajosjen dhe lagien e fytit të sipërm pas hundës dhe gojës.
Këto gjëndra shtrihen mbi një pjesë të kërcit të quajtur torus tubarius dhe zbuluesit kanë propozuar t’i emërtojnë ato “gjëndra pështymore tubare”. Zbulimi u raportua në internet në revistën Radioterapia dhe Onkologjia më 23 shtator.
Informacione më shumë rreth këtij organi të ri
Organi i ri u zbulua ndërsa studiuesit në Institutin Hollandez të Kancerit po kryenin skanim PSMA PET-CT tek një pacient me kancer të prostatës.
Skanimi PSMA PET-CT përfshin injektimin e një “gjurmuesi” radioaktiv tek pacienti. Ky gjurmues lidhet mirë me proteinën PSMA, e cila është e ngritur në qelizat e kancerit të prostatës. Studimet kanë treguar se skanimi PSMA PET-CT është më i mirë se imazhi konvencional në zbulimin e kancerit të prostatës të metastazuar. Skanimi PSMA PET-CT dihet gjithashtu se është shumë efektiv në zbulimin e indeve të gjëndrës së pështymës, e cila është gjithashtu e lartë në PSMA.
Për të konfirmuar zbulimin, studiuesit studiuan imazhe të 100 pacientëve dhe zbuluan se të gjithë kishin gjëndrat e pështymës tubare. Fokusi ishte tek kanceri i prostatës dhe të gjithë pacientët ishin burra. Më tej, kur ata copëtuan zonën e nazofaringit nga dy kufoma u zbulua se organi i sapo gjetur përbëhej nga indet e gjëndrës mukozale dhe kanalet që derdheshin në nazofaringë.
Deri më tani, njerëzit dihej se kishin vetëm tre gjëndra të mëdha të pështymës: një nën gjuhë, një nën nofull dhe një në pjesën e prapme të nofullës, prapa faqe. Përveç këtyre, ka një mijë gjëndra mikroskopike të pështymës që janë të shpërndara në të gjithë indin mukozal të fytit dhe gojës, tha në një deklaratë onkologu i rrezatimit i Institutit të Kancerit Hollandez Wouter Vogel, duke shtuar se zbulimi i ri erdhi si një befasi atyre.
Çfarë do të thotë ky zbulim?
Zbulimi i organit të ri mund të jetë i rëndësishëm për trajtimin e kancerit pasi dëmtimi i gjëndrave të pështymës për shkak të rrezatimit mund të shkaktojë probleme në të ngrënë, në gëlltitje ose në të folur, gjë që mund të ndikojë në cilësinë e jetës së një pacienti, thanë studiuesit.
Meqenëse prania e këtyre gjëndrave të pështymës tubare nuk dihej ende, mjekët nuk janë përpjekur të shmangin rrezatimin në atë rajon. Kur ekipi hulumtues shqyrtoi të dhënat e më shumë se 700 pacientëve me kancer të trajtuar në Qendrën Mjekësore të Universitetit në Groningen, ata zbuluan se sa më shumë rrezatim që kishin marrë pacientët në zonën e panjohur, aq më shumë efekte anësore raportuan nga trajtimi i tyre.
Zbulimi i ri mund të alarmojë mjekët për të shmangur këto gjëndra të reja gjatë trajtimit me rrezatim, që do të thotë më pak efekte anësore për pacientët me kancer.
