Massimo Gaggi
Në SHBA, sondazhet janë shumë të rëndësishme, dhe jo vetëm në procesin zgjedhor. Ato janë gjithashtu një faktor thelbësor i demokracisë: ata u tregojnë, veçanërisht politikanëve dhe shtypit, cilat janë problemet që shqetësojnë qytetarët, zbulojnë gjendjen shpirtërore të kombit, regjistrojnë luhatjet e popullaritetit të udhëheqësve të tij. Nëse ato nuk kryejnë funksionin e tyre, problemi është i madh jo vetëm për një industri që po humbet besueshmërinë dhe biznesin, por për të gjithë. Dhe në zgjedhjet e vitit 2020, sondazhet rezultuan sërish të pabesueshme, madje edhe më shumë sesa ato të vitit 2016. Për të gjetur një sondazh që i shkoi afër rezultatit të votimit, duhet shkuar te Robert Cahaly i Trafalgar, një institucion që nuk është marrë kurrë, kjo edhe për shkak të mungesës së transparencës mbi metodologjinë e tij. Ndërsa emrat e mëdhenj në sektorin e sondazheve po vizatonin skenarë triumfalë për Biden, Cahaly paralajmëroi: “Trump do të fitojë, me një avantazh të qartë në shtete si Florida, Ohio dhe Miçigan”. Në fund, Biden me siguri do të fitojë, por për “ortekun e votave” dhe për shtetet (përveç Miçiganit), ai kishte të drejtë: i vetmi, madje katër vjet më parë, që parashikoi se Donald Trump do të mundte Clinton-in. Ai gjithashtu goditi me parashikimin për votat në Kolegjin Elektoral: 306 vota të tilla për Trump, 227 për Hillary.
Ndërsa anketuesit e tjerë, duke nisur nga FiveThirtyEight i Nate Silver në Quinnipac, deri te Economist, Ipsos, Siena dhe YouGov, pasi gabuan në 2016, kanë dështuar përsëri dhe në mënyrë më serioze këtë vit, duke parashikuar shkëputje të mëdha në favor të demokratëve, të cilët do të merrnin Shtëpinë e Bardhë, por edhe Senatin. Megjithatë, ata kishin azhurnuar metodologjitë e tyre për të shmangur gabimet e së kaluarës. Të çuditur, profesionistët e një industrie të lindur në vitet 1930 me agjencinë e parë të George Gallup, tani po përballen me një rënie dramatike të besueshmërisë, ndërsa përpiqen të kuptojnë se çfarë ndodhi. Tani ata po zbulojnë se shumë prej votuesve të presidentit nuk bashkëpunojnë, por mjaftonte të shkonin në një nga takimet e tij për ta kuptuar atë: tifozët e tij janë individualistë dhe thonë se nuk janë të interesuar të kontribuojnë në ritin kolektiv të sondazheve. Por ka pasur edhe mangësi të tjera, të tilla si pamundësia për të parashikuar rënien e Bidenit në botën hispanike që i kushtoi atij shtetin e Floridas. Gazetarët, të cilët sondazhet do të donin t’i zëvendësonin në interpretimin e tyre të ndryshimeve shoqërore, i kishin paralajmëruar ata për problemet me latinët, por nuk ishte e mjaftueshme. / Corriere
