Kristi Warner ishte e shqetësuar për përbërësit që mund të kishte pakoja e kozmetikës të cilën ia kishte blerë së bijës. Warner punon për një firmë ligjore në Providencën Lindore, Rhode Island (SHBA) dhe ishte shumë e vetëdijshme për rreziqet e ndotësve potencialë në kozmetikë të përdorura nga të gjitha moshat dhe dëshironte të ishte e sigurt para se të lejonte vajzën e saj 16 vjeçare të përdorte produktin.
Pasi e bleu pakon me përbërësit kozmetikë, ajo e dërgoi në një laborator të pavarur në Karolinën e Veriut për testim të thellë. Kur laboratori e kontaktoi për t’i dhënë rezultatet, ajo u trondit dhe u tmerrua. Rezultatet e testit zbuluan se pakoja përmbante asbest të trefishtë, një material fatal, toksik, që shkakton kancer.
Duke pranuar se ky mund të ishte një problem shumë më i madh me një ndikim të përhapur, Warner, së bashku me shefin e saj John Deaton, blenë 17 kuti të ndryshme nga 9 shtete të ndryshme, duke i dërguar të gjitha për t’u testuar. Rezultatet? Sean Fitzgerald i Institutit Analitik Shkencor, shkencëtar përgjegjës për kryerjen e testimit, zbuloi asbestin tremolit në çdo produkt të testuar.
Warner dhe Deaton folën me WJAR-TV, duke kërkuar ndihmën e medies në bërjen publike të rezultateve të frikshme me prindërit e tjerë. “Fakti që shumica e produkteve erdhën nga raftet e dyqaneve në dy javët e fundit do të thotë që fëmijët e tjerë që kanë blerë këto produkte janë të rrezikuar”, tha Warner.
Kompania e kozmetikës Claire lëshoi deklaratën e mëposhtme pak kohë pas këtyre rezultateve: “Në Claire siguria e klientëve tanë është me rëndësi të madhe dhe ne jemi të sigurtë për sigurinë dhe integritetin e produkteve tona. Ne punojmë ngushtë me shitësit tanë për të siguruar që produktet tona janë testuar dhe vlerësuar në përputhje me rregulloret dhe udhëzimet përkatëse të vendit.
Si rezultat i hetimit nga WJAR-TV, ne kemi marrë masën paraprake të tërheqjes së sendeve në fjalë nga shitja dhe do të kryejmë një hetim të menjëhershëm mbi çështjet e dyshuara. Sapo të kemi më shumë informacion dhe të kemi rezultatet e hetimit, ne do të ndërmarrim veprimet e nevojshme “.
Pak ditë më pas ata publikuan përditësimet e mëposhtme: “Ne kemi pajtuar një laborator të pavarur për të testuar produktet e përmendura në mënyrë që të përcaktojmë nëse raportet e fundit të lajmeve janë të sakta. Gjatë kësaj kohe, ne kemi ndaluar shitjet e produkteve dhe po japim rimbursime të plota për klientët e interesuar. Si gjithmonë, siguria e klientëve tanë dhe e produkteve është prioriteti ynë kryesor “.
