Psikologët janë specialistët që na ndihmojnë të zgjidhim probleme, të kapërcejmë frikën dhe të qartësojmë ndjenjat tona në mënyrë që të jemi të qetë dhe të shëndetshëm. Mirëpo, edhe psikologët janë qenie njerëzore që ndonjëherë duhet të përballojnë stresin. Bright Side zbulon disa metoda që përdorin edhe profesionistët për reduktimin e stresit.
Shkruajnë çdo gjë që ju vjen në mendje
John Duffy, një psikolog klinik dhe autor i një libri mbi edukimin e adoleshentëve, thotë: “Për të ulur stresin, mbani shënime. Mendimet, situatat, marrëdhëniet me njerëzit, idetë i shkruaj dhe i jap strukturë gjithçkaje që më vjen në mendje. Ky proces krijues është me të vërtetë i dobishëm sepse harrojmë problemet, mendimet bëhen më të qarta dhe tensioni ulet. Më pas, unë mund t’i shoh gjërat nga një këndvështrim tjetër”.
Zgjedhin përbërësit për një ushqim që duan të gatuajnë
Psikoterapisti, shkrimtari dhe pedagogu Jeffrey Sumber përdor metoda të tilla për të përballuar stresin: “Kur ndihem në depresion, më pëlqen të ha. Por duhet të jetë ushqim i shëndetshëm ose një pjatë që kurrë nuk e kam bërë më parë. Kaloj shumë kohë nëpër dyqane për të zgjedhur përbërësit. Pastaj i rregulloj me shumë kujdes. Shpesh i publikoj rezultatet në Facebook në mënyrë që t’i bëj ziliqarë shokët e mi”.
Shtrëngojnë muskujt
Psikoterapisti amerikan Kevin Chapman përdor metodën e relaksimit progresiv të muskujve që u zhvillua në vitin 1920. Ideja është e thjeshtë: pas çdo tensioni të fortë, vjen një relaksim i fortë. Kjo do të thotë që ju duhet të shtrëngoni muskujt tuaj për 10 sekonda dhe pastaj të fokusoheni në ndjenjën e relaksimit për 20 sekonda. Ka 200 ushtrime për të gjitha grupet e muskujve në total. Vetëm mos harroni t’i kushtoni vëmendje çdo grupi të muskujve.
Mos reagoni gjatë një situate
Psikologia Susan Krauss Whitbourne nuk lufton stresin. Ajo ka një praktikë të veçantë që, përsëritë kur është e stresuar. Ajo thotë: “Nuk mund ta ndryshoj situatën, por unë mund ta ndryshoj reagimin tim.” Një reagim pozitiv në një situatë negative ndihmon në shmangien e stresit dhe madje edhe në marrjen e disa përvojave nëse e trajtoni atë si një sfidë. Ju gjithashtu mund të mësoni nga gabimet tuaja.
Ndaloni mendimet negative
Psikologu Martin Seligman rekomandon një metodë të lehtë dhe popullore që ndihmon në pastrimin e kokës nga mendimet negative. Vendos duart në kokë dhe bërtisni, “Stop! Unë do të mendoj për këtë më vonë! Përdorni truket e tilla për të ndaluar ciklin e mendimeve dhe për të shtyrë një problem për një kohë. Pastaj, përpiquni të kaloni vëmendjen, duke bërë stërvitje ose duke u marrë më diçka.
Merruni me gjërat që ju pëlqejnë
Psikoterapisti Amy Przeëorski rekomandon që të gjeni një periudhë kohe kur mund të bësh gjithçka që dëshiron. Bëni atë që dëshironi, dhe çfarëdo që ju bën të lumtur. Shmangni punët, mendimet negative dhe gjërat që ju mërzisin.
