Nuk ka fitues në Bergamo ku Atalanta ndali 1-1 Milan.
Dy ekipet zhvilluan një ndeshje shumë të fortë në Bergamo, por në fund ndanë nga një pikë pas barazimit 1-1.
Berat Gjimshiti e filloi si titullar këtë përballje për Atalantën dhe luajti 82 minuta. Vendasit kaluan në avantazh pas gjysmë ore me anë të Ruslan Malinovskyt.
Ukrainasi goditi menjëherë në zonën e 16 metrave dhe tundi rrjetën kundërshtare. Kampionët e Italisë reaguan dhe evituan humbjen falë një eurogoli të Ismaël Bennacer.
Mesfushori algjerian lëvizi bukur në minutën e 68’ dhe gjeti cepin e largët të portës së Atalantës.
Në ndeshjet e tjera të ditës së sotme Napoli kaloi 4-0 Monzan ndërsa Empoli dhe Fiorentina u ndanë në barazim pa gola. Bologna-Verona u mbyll me rezultatin 1-1.
