Pas prangosjes së Ragip Hajdinit, i njohur me pseudonimin “Daja”, Policia e Shtetit është vënë në ndjekje të personazhit misterioz me emrin “Tani”. Emri këtij të fundit doli në skenë nga dëshmitari i drejtësisë Alkond Bengasi Qevani.
Oficerw të policisë gjyqësorë kanë marrë në pyetje 50-vjeçarin Hajdini në ambientet e drejtorisë vendore të policisë së Tiranës, me orgjinë nga Peja e Kosovës. Ai ka mohuar të ketë dijeni për grabitjen e 9 prillit në Rinasi, si edhe me personin tjetër të quajtur “Tani” me origjinë nga Fushë-Kruja.
Gjithashtu, Ragip Haxhiajdini ose Hajdini me mbiemrin e ndryshuar, ka vënë dispozicion të grupit hetimor disa prova si pamje filmike për të përjashtuar atë nga të dyshuarit e tjerë si pjesëmarrës në supergrabitje e Rinasit.
Ndërkohë prokuroria e Krimeve të Rënda ka kërkuar të njihet me tabulatet telefonike të 50-vjeçarit të prangosur në hotelin e tij te Shkëmbi i Kavajës. Sipas organit të akuzës, këqyrja e aparateve telefonike të Ragip Hajdinit si edhe të pesë personave të tjerë të prangosur më herët, bëhet me qëllim për të vërtetuar nëse kanë biseda ndërmjet njëri-tjetrit në aplikacionet “Ëhats app”, “Facebook” dhe rrjete të tjera komunikimi elektronik.
Për dëshminë e dhënë të Alkond Bengasi Qevani, Prokuroria e Krimeve të Rënda do të kërkojë ballafaqim vizive me shtetasin nga Kosova “Daja”. Misteri më i madh për grupin hetimor mbetet “Tani”.
Sipas dëshmitarit Bengasi, ai ishte i gjatë rreth 180-185 cm me origjinë nga Fushë-Kruja me pak mjekër si edhe besimtar i fesë islame.
Nisur nga karakteristikat e përcaktuara nga Bengasi, dyshohet se “Tani” të jetë edhe komandoja që shihet në këtë foto pas krahëve të të ndjerit Admir Murataj, gjatë aksionit për grabitjen e disa miliona euro, pikërisht brenda pistës së avionit në Rinas.
Për këtë arsye, prokuroria ka kërkuar ndihmën e ministrisë së Mbrojtjes për të krahasuar në databazën e saj nëse personi i cili duket nga ana vizive me veshje kamuflazhi ushtarake ka qenë ndonjëherë në radhët e ushtrisë. Për prangosjen e “Tanit”, FNSH dhe RENEA, zhvilloi një operacion të gjerë ditën e enjte në qytetet e Krujës, Fushë-Krujës dhe Elbasanit por pa rezultat.
Dyshohet se personi i shpallur në kërkim të jetë larguar në drejtim të Kosovës, bashkë me vëllezërit Klement dhe Eldi Çala. Këta të fundit dhe i ndjeri Admir Muratj dyshohen se kanë qenë organizatorët kryesorë të grabitjes së Rinisit, raport abcnews.
