Extra Një menu klasike për Shën Valentin

Një menu klasike për Shën Valentin

Rezistojini tundimit të ushqimeve që hani zakonisht dhe tregojini të dashurit që ju dini të gatuani një dakë elegante që me siguri do t’i bëjë përshtypje.

Ndiqni këtë menu për Ditën e Shën Valentinit

Çfarë ju duhet për një menu romantike.

Salmon ose biftek, patate të skuqura dhe një krem karamel. Bëni një koktej frutash

Fillimisht ju duhet të përgatisni salmonin

Filetot e salmonit, me pak vaj, duhet t’i spërkatim me kripë dhe piper, përpara se t’i vendosim në furrë. Edhe filetot e trasha të salmonit do të gatuhen shumë shpejt, kështu që mos u largoni shumë nga furra. Me shumë mundësi, për tetë minuta filetot mund t’i keni gati.

Një tjetër pjatë që mund të gatuani për këtë mbrëmje, është edhe bifteku, i cili është një kombimin i mirë me pijet alkoolike që mund të zgjidhni. Bifteku i furrës përgatitet me tul kofshe ose shpatulle. Mishi pritet në thela në drejtim të kundërt të fijeve. I hidhet kripë, piper, kalohet në miell dhe skuqet nga të dyja anët në yndyrë shumë të nxehtë, por jo të jetë gati. Biftekët vihen në tavë, ndërsa në yndyrën e mbetur përgatitet salca, kaudiset qepa e grirë në kubikë të vegjël, shtohen domate të grira ose salcë, pak spec djegës, 1 fletë dafinë, kripë, piper e hudhra sipas dëshirës. Hidhet pak verë, në mungesë të saj uthull, hidhet ujë dhe kur të marrë valë u hidhet sipër biftekëve.

Ndërsa për ëmbëlsirë zgjidhni një krem karamele

Krem karamel është një ëmbëlsirë shumë e shijshme, sidomos për festa. Çfarë ju duhet? Vezë, qumësht, vanilje, sheqer.

Përgatitja:

Së pari përgatisni karamelen duke përzier mirë sheqerin deri sa të përtoni një lëng ngjyrë kafeje të cilin do ta shpërndani nëpër tasa. Nga ana tjetër zieni qumështin dhe lerëni të ftohet pak. Në një tas rrihni duke përdorur mikser vezët se bashku me sheqerin dhe vaniljen deri sa të bëhen si shkumë. Më pas përziejeni me qumështin e vakët. Shpërndajeni këtë masë nëpër tasat që vendosët kremin karamel si për parë dhe lëreni të ftohet në frigorifer për disa orëve ta shërbeni kthejini tasat mbrapsht në mënyrë që karameli të vijë sipër.