Është zbuluar dëshmia e një qytetari i cili ka parë grabitësit e parave në aeroportin e Rinasit kur po digjnin makinën e përdorur në ngjarje në zonën e Bathores.
Ai u është drejtuar me pyetjen: “Përse po e digjni makinën?”
Por sipas dëshmitarit i cili nuk ishte në dijeni se ishin grabitësit e parave në pistën e avionëve në Rinas, ata i janë kthyer me kërcënim duke i thënë: “Mos trego asgjë, ose do të vrasim”, raporton Report Tv.
Sipas dëshmisë së tij, grabitësit më tej janë larguar me biçikletë ndërsa kishin me vete edhe disa çanta. Bëhet fjalë për paratë që ata grabitën, që edhe pse jo zyrtarisht, dyshohet të jenë 10 milionë euro.
