Kryeministri Edi Rama ka zhvilluar një konferencë ndryshe me gazetarët nga struktura e re spitalore e ndërtuar së fundmi për përballimin e situatës e një tjetër vale të dytë nëse do ketë në vjeshtë.
Në nisje të fjalës së mbajtur, Rama thotë se virusi nuk ka ikur ende, pavarësisht zbutjes së kufizimeve anti-Covid.
“Njerëzit të mos e harrojnë se virusi nuk ka ikur, se do e kishin deklaruar ata që janë më të zotë se ne që vazhdojnë të jenë të mbyllur që nga SHBA, Francë e Britani, pra virusi është këtu, edhe kur kemi normalizuar lëvizjen.
Po ne s’e kontrollojmë popullin me policë, ndaj parandalimin e gabimeve duke mos e neglizhuar duhet ta bëjmë secili.
Vala e dytë thuhet se mund të vijë në vjeshtë me gjithë viruset që shoqërojnë dimrin, nuk e dimë si do jetë fluksi i turistëve. Kjo strukturë është shembull i përgatitjes së përgjithshme dhe është gati nëse na duhet që të përballemi me flukse në luftën ndaj Covid”, u shpreh kryeministri, i cili u ndal edhe te puna e mjekëve dhe infermierëve, duke e cilësuar atë si heroike, por edhe një hak 30-vjeçar.
“Më vjen mirë ndër të tjera që mjekët ishin bërë si politikanët, morën një hak pas 30 vitesh nën shënjestër me sharje, baltë, e goditje fizike si një tërësi, kategori e zhytur në pisllëk e korrupsion që të lë të vdesësh rrugëve po nuk pagove. Të paktën shumica e shqiptarëve çfarë bënë mjekët e infermierët, se ishte heroike. Nuk ka patur asnjë braktisje detyre si në vende të caktuar”, tha Rama.
