Rasti i vajze romane është shembulli se si disa herë është e vështirë ta mundësh koronavirusin. Një 25-vjeçare është në betejë me Covidin prej javësh: u sëmur në tetor me simptoma të rënda dhe më pas u “besua” e shëruar. Por pas një muaji ajo doli sërish pozitive në tamponin molekular, me dhimbje dhe temperaturë të lartë.
Historia emblematike
“Nisa të ndihesha pak keq në mes të tetorit – tregon e reja për ANSA – por testi i parë i shpejtë më 13 tetor ishte negativ. Duke qenë se ndihesha keq, bëra një tampon të dytë molekular në Fiumicino më 20 tetor dhe rezultova pozitive”. Herën e parë, kishte dhimbje të forta muskulore, ethe, madje edhe vështirësi të mëdha frymëmarrje, edhe pse pacientja qëndroi e shtruar në shtëpi dhe u ndoq nga mjeku i familjes. Në 30 tetor iu nënshtrua një tjetër tamponi molekular në spitalin Sant’Andrea, negativ. Më 3 nëntor erdhi tamponi i dytë, sërish negativ. Pak ditë më parë u sëmur me Covid-19 babai i saj. E mori infeksionin në punë. “Për të marrë masat paraprakisht – thotë vajza – në familje e bëmë të gjithë së bashku tamponin dhe rezultova sërish pozitive. Kam temperaturë 38,5 e gjysëm dhe kam sërish dhimbje muskulore”.
Rreziku i tamponë të shpejtë
Historia e vajzës romane është një rast emblematik në betejën me virusin. Si fillim gabimi i mundshëm i testit të shpejtë. Testet e shpeshta mund të gabojnë dhe nuk janë aq të ndjeshëm sa për të zbuluar prezencën e virusit me sasi të pakta, që ndodh në fillim të infeksionit, kur personat janë më shumë infektues, dhe në fund të infeksionit.
Rikthim i virusit apo infeksion i ri?
Pika e dytë është mbi sëmundjen e re. Nuk ka elementë të sigurt për të konfirmuar nëse bëhet fjalë për një rikthim të virusit apo për një infektim. Fakti është që vajza më përpara ishte keq, më pas duket sikur ia doli, dhe tani sërish në luftë me virusin. Në disa raste (sidomos për personat që kanë qenë të shtruar në spital) është parë që Covidi ka qëndruar brenda trupit dhe në mushkëri. Persona që me tamponët nuk negativizohen kurrë, por edhe persona që brenda pak kohe marrin një tampon negativ dhe më pas një pozitiv. Në këtë rast, kur dy infeskionet janë afër në kohë, flitet për rikthim të virusit. Ashtu si edhe gripi, që kur kujtojmë se po e lëmë, na çon sërish në shtrat. Ka edhe raste të një infeksioni të dytë. Janë të rrallë, por ekzistojnë. Jo të gjithë gjatë infeksionit të parë krijojnë antitrupa që i mbrojnë nga virusi për një herë të dytë. Sidomos kush herën e parë ka pasur zero ose pak simptoma.
Me vaksinën do të jemi të mbrojtur
Për të qenë të sigurt që bëhet fjalë për një infeksion, nevojitet sekuenca gjenetike e virusit e zbuluar herën e parë dhe ajo e herës së dytë për të krahasuar ndryshimet. Zakonisht, në rastet e riinfeksionit, sekuencat janë lehtësisht të ndryshme. Ajo që dimë deri tani është se janë raste të rralla, por që ekzistojnë, dhe se vaksina do të na mbrojë edhe nga raste të tilla, sepse zhvillon një përgjigje antitrupash të sistemit imunitar më solid se ai fiziologjik. Dhe në nivel imunizimi, nuk ka motive pse mos të vaksinohen edhe ata që kanë qenë sëmurë me Covid./Corriere/ American Eye
