Aktorja e njohur e Hollywood-it, Pamela Anderson është revoltuar kur në një mbrëmje gala të klubit francez të futbollit Olympique Marseille, aty ku zakonisht mblidhen fonde për fëmijët e varfër, 100,000 euro janë ndarë për financimin e restaurimit të Katedrales së Notre-Dame në Paris, djegur dhjetë ditë më parë.
“Për sa e sa fëmijë që vuajnë në Marsejë, ato 100,000 euro të kishin shkuar më mirë te ata sesa te katedralja, e cila ka marrë tashmë më shumë se një miliard euro donacion”, shkroi Anderson në llogarinë tuaj në Twitter.
Ajo shprehu shpresën se vendimi do të rishikohet, në mënyrë që paratë të mund të përdoren aty ku është më e nevojshme.
Shumë miliarderë dhe donatorët privatë kanë premtuar e dhuruar qindra miliona euro për rindërtimin e katedrales së famshme, por kjo nga ana tjetër ka ngacmuar atë pjesë të ndërgjegjes njerëzore, e cila kërkon që ngjashëm, me të njëjtin zell e shuma të kontribuohet edhe miliona njerëz që vuajnë në botë për bukën e gojës.
