Ka hyrë në fuqi vendimi i Presidentit të Republikës, Ilir Meta, për të shfuqizuar 30 qershorin si datë për zgjedhjet lokale.
Dekreti me numër 11199, i datës 10.6.2019 është publikuar sot në Fletoren Zyrtare.
Pavarësisht vendimit të Metës, Partia Socialiste dhe kryeministri Edi Rama janë shprehur të vendosur për të hyrë në zgjedhje më 30 qershor. Mazhoranca e ka konsideruar si antikushtetues dhe të pazbatueshëm vendimin e presidentit, ndërsa ka paralajmëruar edhe nisjen e procedurës për shkarkimin e tij.
