Los Angeles ofron testim falas në COVID-19 për të gjithë banorët, duke e bërë atë qytetin e parë të madh në SHBA që e bëri këtë.
“Ne kemi kapacitet, mos prisni, mos u endni dhe rrezikoni të infektoni të tjerët”, tha kryetari Eric Garcetti në një konferencë shtypi të mërkurën, raporton CNN.
Opsioni është në dispozicion që nga e mërkura në mbrëmje, dhe Garcetti shtoi se nuk ka kufizime në numrin e testeve që banorët mund të marrin.
Rezultatet e testit mund të priten në 24 deri në 48 orë.
Garcetti tha në një konferencë shtypi se testimi do të jetë i disponueshëm vetëm për banorët e qytetit, por në uebfaqen e qytetit thuhej që banorët e Qarkut në Los Angeles mund të regjistroheshin gjithashtu për një test falas.
Ata me simptoma do të kenë përparësi, por Garcetti gjithashtu inkurajoi banorët asimptomatikë që të testohen.
“Nëse mendoni se keni nevojë për një test, bëjeni atë. Nëse doni të jeni të sigurt, bëjeni atë”, tha Garcetti.
Vendimi për të zgjeruar disponueshmërinë e testeve erdhi pasi qyteti hapi më shumë qendra testesh dhe zbuloi se kishte “teprica” të tyre çdo natë.
Ekzistojnë 34 qendra testesh në qytet dhe rrethin e Los Angeles, me mundësi testimi për 18,000 njerëz në ditë. Më shumë se 140,000 njerëz janë testuar në të gjitha këto qendra.
Ekspertët e shëndetit thanë që shtetet duhet të rrisin testimin.
