Ka mjaftuar një gol me penallti i realizuar nga Ribaj në minutën e 55-të që Teuta të kalonte në avantazh dhe të fitonte sfidën 1-0 kundër Korabit, luajtur në stadiumin “Niko Dovana” të Durrësit.
Në dukje ka qenë një ndeshje e lehtë, por durrsakët kanë vuajtur jo pak ndaj vendit të fundit të renditjes. Megjithatë, formacioni i Gugash Maganit ka marrë tri pikë të arta sa i përket luftës për mbijetesë, duke i ikur fundit të renditjes.
Laçi ka marrë një pikë në fushën e Gjirokastrës, në një barazim 1-1. Me vlerë kjo pikë për kurbinasit, në një fushë ku nuk ka mundur asnjë ekip i Superiores të dalë i fituar. Bregu ka fituar penallti për Luftëtarin në 14’, i kthyer në gol nga Ramadani.
Por Ramadani në minutën e 65’ barazon shifrat me anë të një gjuajtje nga distanca dhe i devijuar. Pas minutës 75’, Laçi luajti me 10 lojtarë, Lushkja u ndëshkua me karton të kuq.
Të dielën do të luhen edhe dy ndeshje të tjera të Kategorisë Superiore, ku spikat Kukësi-Partizani, vendi i parë ndeshet me të tretin, ku hapi fals nuk vlen për asnjërin ekip. Kukësi mbetet skuadra e vetme që nuk është thyer këtë kampionat. Ndërsa sfida Tirana-Flamurtari mbyll javën e 23-të, një ndeshje mjaft interesante. Bardheblutë kërkojnë “rehabilitimin”, ndërsa vlonjatët për të ikur nga vendi i parafundit.
KATEGORIA SUPERIORE, JAVA 23
| Luftëtari | 1 – 1 | Laçi | |
| Teuta | 1 – 0 | Korabi | |
| Vllaznia | 17:00 | Skënderbeu | |
| Kukësi | e diel | Partizani | |
| Tirana | e diel | Flamurtari |
| RENDITJA | N | F | B | H | GOL | P | |
| 1. | Kukësi | 22 | 12 | 10 | 0 | 27:9 | 46 |
| 2. | Skënderbeu | 22 | 13 | 5 | 4 | 22:9 | 44 |
| 3. | Partizani | 22 | 11 | 9 | 2 | 23:9 | 42 |
| 4. | Luftëtari | 23 | 7 | 8 | 8 | 22:29 | 29 |
| 5. | KF Tirana | 22 | 6 | 9 | 7 | 18:16 | 27 |
| 6. | Vllaznia | 22 | 6 | 9 | 7 | 19:19 | 27 |
| 7. | Teuta | 23 | 7 | 5 | 11 | 16:21 | 26 |
| 8. | Laçi | 23 | 5 | 7 | 11 | 11:22 | 22 |
| 9. | Flamurtari | 22 | 7 | 5 | 10 | 24:26 | 20 |
| 10. | Korabi | 23 | 2 | 5 | 16 | 8:30 | 11 |
