Spanja po përjeton ditë shumë të vështirë. Shifrat e të prekurve dhe viktimave që raportohen ditë pas ditë po njohin vetëm rritje të mëdha.
E hënë e 23 marsit, shënoi edhe kulmin e të dhënave. 462 persona kanë gjetur vdekjen vetëm në 24 orët e fundit, 70 më shumë sesa ditën e diel.
Numri total i viktimave ka shkuar në 2182, një tendencë e frikshme.
Ministri i Shëndetësisë Fernando Simon konfirmoi se janë rritur me 14% edhe rastet e reja në raport me numrin total të një dite më parë.
4717 janë rastet e reja vetëm këtë të hënë, ndërsa në total kanë shkuar 33 mijë e 89 të infektuar.
Lajme jo të mira edhe nga statistikat e atyre që kanë lënë spitalin,
Në raport me të dielën, numri i atyre që kanë lënë spitalin gjithnjë krahasuar me totalin e rasteve pozitiv është 13%, ndërsa një ditë më parë ishin 15%.
Ndërkohë numri i atyre që janë në terapi intensive ka shkuar në 2355 ose 32% më shumë se një ditë më parë.
Autoritetet thanë gjithashtu se 87% e viktimave në Spanjë janë mbi 70 vjeç.
