Një anëtar i parlamentit të Sllovenisë ka dhënë dorëheqjen pasi u përpoq të vidhëte një sanduiç nga një dyqan në Lubjanë, duke pretenduar se zhgënjimi ndaj stafit të pavëmendshëm nxiti veprimin.
Darij Krajçiç, një anëtar i partisë në pushtet “Marjan Sarec” (LMS), u tha mediave sllovene se ai doli nga një supermarket pa paguar për një sanduiç pasi u “trajtua sikur nuk ekzistonte” nga arkëtarët e pakujdesshëm. Ai tha se qëndroi duke pritur për disa minuta për të dorëzuar paratë e tij para se të humbiste durimin dhe të ikte.
Ai së pari tregoi historinë me kolegët e tij gjatë një takimi të komisionit të mërkurën – por kreu i fraksionit parlamentar të partisë, Brane Goluboviç, me sa duket nuk e pa anekdotën shumë për të qeshur.
“Ai mori përgjegjësinë për të dhe dha dorëheqjen sipas marrëveshjes së tij në përputhje me standardet e larta etike të LMS”, u tha gazetarëve Goluboviç.
Krajçiç tha për mediat se “askush nuk erdhi pas meje, askush nuk bërtiti”, duke shtuar se vjedhja e lehtë e sanduiçit tregon një mbingarkesë mbi mbikëqyrjen e videos.
Ai tha, megjithatë, se i vjen keq për “eksperimentin social” dhe se ishte kthyer për të paguar ushqimin.
54-vjeçari u bashkua me parlamentin shtatorin e kaluar – që do të thotë se një sanduiç i ka hequr atij postin, pasi shërbeu vetëm gjashtë muaj.
Reagimi i medias sociale ndryshonte, me disa që këmbëngulnin që përmbajtja e sandviçit ishte shumë e rëndësishme për ta vendosur historinë në një kontekst të duhur. Të tjerë vunë re, mjaft korrekte, se politikanët rregullisht ikin me vjedhjen e gjërave shumë më të vlefshme.
