Sipas ekspertëve janë disa zona të trupit dhe fytyrës që lihen pas dore në mënyrë sistematike kur vendoset kremi mbrojtës nga rrezet e diellit, gjë që rrit rrezikun e kancerit të lëkurës. Cilat janë këto pjesë?
Anët e fytyrës
Kremi i diellit mbetet thelbësor për të mbrojtur lëkurën nga rrezet e dëmshme të diellit, por jo gjithmonë aplikohet si duhet. Një nga zonat e trupit që zakonisht neglizhohet gjatë këtij operacioni është padyshim ajo në anët e fytyrës. “Kur vendosni kremin e diellit në fytyrën tuaj, pjesa anësore e ballit, nofullat dhe pjesa e sipërme e ballit shpesh harrohen” paralajmëron dermatologu Caren Campbell në faqen e Inside.
Veshët
Një pikë tjetër e ndjeshme (dhe e harruar) janë veshët, të cilët mbesin të ekspozuar ndaj diellit edhe nëse vishni një kapelë dhe për këtë arsye duhet të mbrohen në mënyrë adekuate me locionin e diellit, që të aplikohen disa herë në ditë, duke u siguruar që të mbuloni pjesën e sipërme, të pasme dhe zona përreth e veshëve.
Buzët
Së bashku me ballin dhe veshët, buzët janë zona e tretë e trupit në rrezik më të madh nga kanceri i lëkurës. Prandaj rekomandohet për t’i mbrojtur ato me një balsam buzësh që përmban një faktor mbrojtës.
Qafa
Anët dhe pjesa e pasme e qafës janë pika zakonisht të anashkaluara, kështu që mos harroni të vendosni krem mbrojtës.
Skalpi i kokës
Veshja e një kapele mbetet mënyra më e mirë për të mbrojtur kokën tuaj nga rrezet UV. Përndryshe, ju mund të përdorni një llak me krem dielli, që të spërkatni në pjesën e sipërme të kokës, madje edhe më shumë nëse keni flokë të rralluar.
Duart
Duart, veçanërisht pjesa e sipërme janë një nga pjesët e trupit e cila, kur ekspozohet në diell për periudha të gjata, ka tendencë të humbasë kolagjenin dhe elasticitetin. Kjo është arsyeja pse ju gjithmonë duhet të mbani mend që të vendosni kremin e diellit në pjesën e duarve.
Sqetullat
Një zonë tjetër e trupit që harrohet në mënyrë sistematike janë sqetullat, ku përkundrazi, rrezet e diellit jo vetëm që duhet të vihen gjatë gjithë kohës, por edhe të ripërdoren disa herë gjatë ditës, sepse eliminohet më shpejt për shkak të djersës.
Qepallat
Të biesh në gjumë në diell pa syze mund të nënkuptojë të gjesh veten me qepallë të djegura rëndë dhe të dhimbshme. “Kremrat e diellit të bazuar në dioksidin e zinkut ose dioksidin titan ofrojnë mbrojtje të shkëlqyeshme nga rrezet e diellit dhe janë të dobishme për ata me lëkurë të ndjeshme”, sugjeron dermatologu Heather Woolery Lloyd.
