Nuk ka dyshime, sfida mes Shqipërisë dhe Francës do të zhvillohet në impiantin modern “Arena Kombëtare”. Kanë mbetur edhe detajet e fundit tek sheshi jashtë stadiumit, ndërkohë që ditën e nesërme do të zhvillohet sfida mes Vllaznisë dhe Apolonisë, e vlefshme për futbollin e femrave.
Ky takim do të shërbejë si testim për stadiumin në prag të sfidës ndaj Francës. Ndërkohë vlen për t’u theksuar, se është me sukses “testi i shiut”, teksa fusha e blertë duket në gjendje fantastike.
Nga një video e publikuar nga “ShqipStadium”, shihet se gjithçka ka përfunduar për sa i përket pjesës së brendshme, teksa kanë mbetur vetëm disa detaje të vogla në sheshin para stadiumit.
