Aktori amerikan, Ashton Kutcher dëshmoi në sallën e gjyqit në Los Angeles se si shkoi në shtëpinë e një vajze të re për takimin në vitin 2001 dhe e gjeti të vdekur.
Ai i ra derës dhe kur Ashley Ellerin nuk e hapi shkoi tek dritarja banesës dhe pa atë që mendonte se ishin njolla vere në dysheme.
Kutcher tha në gjykatë se u trondit kur mësoi se Ellerin, në atë kohë 22-vjeç, ishte vrarë.
Prokurorët pohojnë Ellerin u vra nga “Hollywood Ripper”, Michael Gargiulo.
Gargiulo akuzohet për vrasjen e Ellerin dhe dy grave të tjera.
Aktori tha në gjykatë se kishte folur me Ellerin në telefon para se të shkonte tek shtëpia e saj për tu takuar.
Kur Ashton mbërriti në shtëpinë e saj më 21 shkurt 2001, ishte më shumë se dy orë me vonesë.
Në atë kohë vetëm 23-vjeç, Kutcher edhe pse kishte planfikuar të takohej me Ellerin, shkoi për të parë çmimet Grammy me miqtë në shtëpinë e aktores Kristy Swanson.
Takimi nuk ndodhi kurrë sepse Ellerin u vra brutalisht atë natë.
“Trokita në derë dhe nuk e hapi,”-tha Kutcher në gjykatë, sipas AP News. “Trokita sërish e sërish, por nuk u përgjigj. Mendova me vete se ishte mërzitur me mua që u vonova. Dritat ishin ndezur, kështu që provova të hap derën. Ishte e mbyllur. Mendova se kishte dalë me një shok të sajin ndaj u largova.”
Ellerin u gjet i vdekur në shtëpinë e saj të nesërmen nga një shok dhome.
Prokurorët thanë se Gargiulo ishte një vrasës serial që e qëlloi Ellerin 47 herë me thikë derisa koka e saj gati nuk u këput.
Kutcher tha se i telefonoi asaj disa herë më vonë gjatë natës por nuk arriti të kontaktonte me të.
“18 vite më parë, shërbimet telefonike nuk ishin këto që janë sot,”-tha ai.
Kur aktori dëgjoi për krimin të nesërmen, shkoi në polici. Ai tha se ishte i shqetësuar pasi kishte lënë shenjat e duarve në dorezën e derës.
Por kurrë nuk ishte i dyshuar për vrasjen e saj.
Kutcher, i cili është i martuar me aktoren Mila Kunis, është një prej më shumë se 100 dëshmitarëve që janë caktuar ose jo për të dëshmuar në gjyqin e vrasjeve të Gargiulo.
Gjyqi vazhdon dhe aktori mendohet se nuk do dëshmojë më.
