Barcelona vijon të tregojë paqëndrueshmëri në fillim të këtij sezoni kjo dhe për shkak të ndryshimeve radikale që pësoi ekipi në merkato duke u pasuar tashmë dhe nga largimi i presidentit.
Pas fitores ndaj Juventusit mesjavën e kaluar në Champions League, Barca bën një tjetër hap fals në kampionat kësaj here ndaj Alaves.
Djemtë e Coeman nuk shkuan më shumë se një barazim 1-1 në një ndeshje që konsiderohej e lehtë në pamje të parë për katalanasit.
Alaves kaloi i pari në avantazh falë një gabimi të portierit Neto. Djemtë e rinj të Barçës ende nuk po tregojnë besimin dhe më të mirën e tyre.
Barcelona hidhet në sulm, por vendasit mbrohen mirë. Në mesin e pjesës së dytë vjen dhe goli i barazimit me Griezman. Alaves mbetet me 10 lojtarë, por fati nuk është me Barcën në këtë ndeshje. Disa herë porta e vendasve shpëtoi për mrekulli, dhe kjo gjë i çoi të dyja ekipet në dhomat e zhveshjes me nga një pikë.
Pas javës së 6 të kampionatit Barcelona renditet në vendin e 12 me 8 pikë të grumbulluara, po aq sa Alaves, i cili qëndron një vend më poshtë.
