Këngëtari shqiptar shumë i suksesshëm në Itali dhe më gjerë, Ermal Meta ka rezultuar pozitiv me Covid-19.
Këtë lajm e ka bërë të ditur vetë artisti përmes një postimi në rrjetet sociale.
Meta ka treguar se pavarësisht se kishte marrë të 3 dozat e vaksinës anti-Covid, ka qenë mjaft i sëmurë.
“Përshëndetje djema. Më falni për mungesën time këto ditë, por pavarësisht nga tre dozat e vaksinës, mora Covid-in dhe isha mjaft i sëmurë. Tani po shërohem. Shpresoj të rikthehem në formë sa më shpejt të jetë e mundur. Ju përqafoj, shihemi së shpejti”, ka shkruar këngëtari.
