Pas komës së gjatë prej tre muajsh, një fund i lumtur për një 20-vjeçare shqiptare.
Antigona është studente e Institutit Buontalenti Hospitality në Firence i mahniti të gjithë, madje edhe mjekët që e cilësuan gjendjen e saj si të pashpresë.
Sipas La Repubblica, Antigona tregoi vullnet të madh dhe sot arriti të diplomohet me 85 pikë nga 100 maksimale dhe tani ëndërron të bëhet pastiçiere. Makthi i nxënëses së regjistruar në vitin e fundit të gjimnazit nisi më 28 Prillin e kaluar kur gjatë një mësimi të edukimit fizik, një atak në zemër e kishte bërë atë të rrëzohej mbi një shok klase. Ndërhyrja ka qenë e menjëhershme e mësuesve dhe portierëve, të cilët kishin bërë thirrje për ndihmë.
Në pritje të mbërritjes së urgjencës, për t’i dhënë 20-vjeçares ndihmën e parë, ishte ndërhyrja e zëvendësdrejtorit të institutit, profesor Francesco Trapani, i cili kishte praktikuar masazhin kardiak dhe frymëmarrjen gojë më gojë deri në mbërritjen e urgjencës.
“Nuk e shpëtova unë, e shpëtoi fakti që këtu organizohen kurse për të mësuar si të menaxhohen këto situata”, ka komentuar më pas mësuesja.
Frika për situatën kritike të Antigonës është rikthyer gjatë udhëtimit për në spital, ku e reja kishte pësuar një atak të dytë në zemër. Menjëherë pas mbërritjes, ajo ka hyrë në koma të thellë, të cilën mjekët e kishin cilësuar si të pakthyeshme. Përpjekja për të mos e lënë vetëm Antigonën ishte dashuria e familjarëve, shokëve të shkollës dhe mësuesve.
“Të gjithë brohorisnim për të, por mjekët thanë se situata ishte e dëshpëruar”, thotë Maria Francesca Cellai, drejtoreshë e institutit.
Por Antigona nuk u dorëzua dhe kështu më 1 gusht, pas tre muajsh, ajo arriti me habinë e të gjithëve të kapërcejë errësirën e komës, edhe pse fatkeqësisht jo në kohën e duhur për të marrë provimet përfundimtare në korrik. Por për të ndihmuar studenten, kryetari i komisionit të provimeve të shkollës së mesme, profesor Sergio Berardi, ka lëvizur, siç e kërkon legjislacioni ministror, ka ngritur një seancë të jashtëzakonshme për të. Dhe ja ku, me gëzim të madh, qëllimin e pjekurisë e pushtoi edhe Antigona, e cila tani nuk mendon të ndalet. Pas përfundimit të rehabilitimit, në fakt, studentja e re i vuri vetes synimin që të bëhej kuzhiniere apo pastiçeri, edhe falë një burse studimi që i ishte dhënë nga Spi-Cgil.
