Policia arrestoi Xhevair Mzhikën këtë të martë. Ish-agjenti i SHISH, i dënuar me 10 vite burg vrau për motive banale pronarin e një gomisterie.
Efektivët e komisariatit nr.2 mundën të arrestojnë 51-vjeçarin e shpallur në kërkim nëpërmjet operacionit të koduar “Reagimi”.
Ai akuzohet për vrasje me dashje dhe armëmbajtje pa leje.
Mzhika vrau pronarin e servisit në Fushën e Aviacionit sepse sapo kishte ndërruar gomën e automjetit tip Benz ishte nisur së bashku me familjen në një udhëtim ku rrezikuan jetën, pikërisht prej gomës që ndërroi para se të nisej.
“Ky shtetas u kap në rrugën “Babë Rexha”, anës lumit, dhe në momentin e ndërhyrjes së Policisë ka tentuar të largohet, por është neutralizuar nga shërbimet e Policisë,” – thuhet në njoftim.
