Humbja e dëshirës për ushqime, ose ndjesia e aromës dhe shijes mund të jetë një nga simptomat që shfaqen nga Covid-19. Kështu ka thënë në një intervistë për Frankfurter Allgemeine, Virologu me bazë në Bon të Gjermanisë, Dr. Hendrik Streeck i cili po koordinon hetimet e karantinës në zonën e Heinsberg dhe sipas tij këtë karakteristikë kishin pacientët që rezultuan pozitiv.
“Nga pothuajse të gjithë personat e infektuar që kemi intervistuar (rreth njëqind), të paktën dy të tretët raportuan se kishin humbur ndjenjën e aromës dhe shijes për disa ditë – thotë ai -. Kjo mungesë është aq e fortë sa një nënë nuk ishte në gjendje të perceptonte erën e pelenës së pistë të foshnjës së saj. Të tjerët nuk ndjenin më erë në shampon e tyre. Ende nuk mund të themi saktësisht kur shfaqen këto simptoma, por mendohet se ato shfaqen menjëherë pas infeksionit.”
Ndër simptomat e tjera të identifikuara, përveç kollës së thatë dhe etheve, Dr Streeck shpjegon se një tjetër simptomë është dhe diarreja, e cila ishte e zakonshme në 30% të personave të infektuar. Dhe kjo sugjeron që “trakti gastrointestinal mund të sulmohet – thotë ai – edhe nëse nuk e dimë me siguri. Ajo që dimë është se virusi depërton në qelizën e tij pritëse përmes receptorit ACE-2: shumë qeliza indesh e kanë këtë receptor dhe për këtë arsye mund të sulmohen”.
Këto simptoma i ka konfirmuar edhe Massimo Galli, profesor i sëmundjeve infektive në Universitetin e Milanos dhe shef i departamentit të Sëmundjet infektive III të Spitalit të Duhanit – madje edhe në raste të buta dhe të moderuara.
Humbja e shijes dhe erës mund të shfaqet edhe në infeksione të tjera të traktit respirator, por në Covid-19 do të shfaqej më e shpeshtë dhe e rëndë. Për momentin nuk e dimë nëse shqetësimi është kalimtar, domethënë nëse me shërimin ndjeshmëria mund të rikuperohet plotësisht, ka deklaruar Galli./Corriere della Sera
