Nga Aurenc Bebja*, Francë
“Le Guetteur” ka botuar, të mërkurën e 6 prillit 1881, në faqen n°3, një shkrim në lidhje me kërcënimin asokohe të Ali Pashë Gucisë ndaj guvernatorit të Selanikut, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar:
Sipas një shkrese të dërguar nga Kostandinopoja tek “Standard-i”, thuhet se Ali Pasha i ka dërguar një telegram nga Gucia guvernatorit të përgjithshëm të Selanikut, se 70,000 shqiptarë do të marshonin në këtë qytet, nëse udhëheqësit e Lidhjes Shqiptare, të arrestuar së fundmi, nuk do të liheshin të lirë brenda njëzet e katër orëve.
Lidhja së pari do të përgatitej për të sulmuar garnizonin e Shkupit nëse të burgosurit do të mbaheshin më gjatë.
*Burimi: Blogu © Dars (Klos), Mat – Albania
