Nikola Tesla, shkencëtari i çuditshëm, enigmatik dhe i shkëlqyer i cili revolucionarizoi energjinë dhe krijoi skenën për teknologjinë e ardhshme celulare, lindi 163 vite më parë. Gjatë gjithë jetës, Tesla regjistroi më shumë se 300 patenta dhe parashikoi shumë shpikje.
Ai njihet si babai i rrymës alternative (AC), e cila shërben si bazë për pjesën më të madhe të teknologjisë sonë moderne. Pjesa më e madhe e jetës së tij ende nuk dihet. Por nuk ka dyshim se ai ishte një njeri interesant dhe me mister.
Këtu janë 10 fakte rreth Nikola Tesla-s që mund të mos i keni ditur.
Ai lindi gjatë një stuhie me rrufe
Mbase rrethanat në të cilat ka lindur e kanë frymëzuar atë që asnjëherë të mos i largohej studimeve mbi energjinë elektrike. Tesla lindi në mesnatën e një stuhie të ashpër me rrufe në qytetin Smiljan të Kroacisë. Mamia që i ndihmoi në lindje nënës së tij, tha se “ai do të ishte një fëmijë i errësirës”, por nëna e tij me një kundërpërgjigje të zgjuar iu përgjigj: “Jo, ai do të jetë fëmijë i dritës”.
Ai kishte një personalitet të çuditshëm
Duke shfaqur stereotipin prej një shkencëtari të çmendur, Tesla vuajti nga shumë karakteristika që sot ka gjasa të klasifikohen si çrregullim obsesiv-kompulsiv. Ai ishte i fiksuar me numrin tre, stolitë e neveritshme, objektet e rrumbullakëta dhe flokët që e preknin.
Ai ishte veçanërisht i frikësuar nga perlat dhe nuk fliste me gratë që i mbanin; ai madje e ktheu sekretaren e tij në shtëpi kur ajo vendosi bizhuteri të tilla. Ai kishte edhe çrregullime me gjumë, pasi thoshte se kishte nevojë vetëm për dy orë gjumë gjatë natës.
Kishte frikë nga mikrobet
Pasi i shpëtoi sëmundjes së kolerës si adoleshent, Tesla u bë obsesiv nga frika prej mikrobeve dhe vazhdimisht pastronte gjithçka. Ai ka pasur një rutinë strikte të higjienës personale, duke përdorur 18 peceta për të fshirë dhomën e tij të ngrënies, dhe mbante doreza të bardha për çdo darkë.
I takon merita për idenë e internetit dhe telefonave pa kabllo
Besoni apo jo, në vitin 1901, Tesla e kishte idenë për një mënyrë të grumbullimit të informacione pa ndihmën e kabllos. Ai punoi shumë për ta koduar atë në laboratorin e tij, për të ndryshuar frekuencën dhe për ta transmetuar atë në një pajisje të mbajtur me dorë – pothuajse saktësisht se si funksionojnë smartfonët tanë sot. Kjo, si shumë nga idetë e mëdha të Teslës, kurrë nuk u krijua apo nuk u testua sa ishte gjallë.
Kishte një kujtesë të mahnitshme
Tesla kishte kapacitet për të mësuar përmendsh të gjithë librat dhe fotografitë me detaje të mëdha. Ai gjithashtu kishte vizione të qarta për shpikjet e shumta të depozituara në trurin e tij. Fatkeqësisht, shumë prej të cilave kurrë nuk arritën në letër. Një nga atributet më unike të Tesla ishte aftësia për të vizualizuar në 3D, duke i lejuar atij të shihte të gjitha anët e një shpikjeje para se të krijohej.
Mark Twain ia kishte një borxh për lehtësimin e kapsllëkut
Tesla ishte vazhdimisht në kërkim të burimeve më efikase të energjisë dhe ndërtoi një oscilator me frekuencë të lartë, i njohur si “makinë tërmetesh”, e cila tronditi lagjen e Manhatanit kur ai kreu eksperimente. Tesla ftoi shokun e tij Mark Twain, i cili ishte i njohur për probleme me kapsllëkun, për të qëndruar në platformën e makinës. Brenda pak minutash, Twain vrapoi në banjo për t’u lehtësuar nga problemi i tij.
Jetonte në hotele të shumta në Manhattan
Gjatë gjithë jetës së tij, dhe sidomos në vitet e fundit, Tesla jetoi në një numër të madh hotelesh të Manhatanit. Në kulmin e karrierës së tij jetoi në Waldorf Astoria, dhe prandaj kishte shumë miq të famshëm, përfshirë konservatorin John Muir dhe bankierët Henry Clay Frick dhe Thomas Fortune Ryan. Megjithatë, Tesla u përqendrua më shumë në njerëzimin dhe eksperimentet e tij se paratë, kështu që ai kurrë nuk ishte i pasur dhe vdiq mjaft i varfër, pavarësisht nga miqtë e tij të famshëm.
Shumë nga shpikjet e tij janë ende sekrete
Tesla vdiq në vitin 1943, por disa nga shpikjet dhe eksperimentet e tij ende klasifikohen si “Top Secret” nga qeveria amerikane. Pas vdekjes së tij, të gjitha zotërimet e tij kaluan në pronësi të shtetit, dhe më pas disa iu kthyen familjes. Por disa sende të mistershme ende mbeten të mbyllura.
Qeveria e SHBA mendonte se spiunët gjermanë po përdorin krijimet e Teslës
Tesla ndërtoi një kullë prej 185 56 metrash në Long Island, Nju Jork, e quajtur Kulla Uardenclyffe. Ai përdori kullën për të kryer shumë nga eksperimentet e tij të transmetimit të energjisë me valë në fillim të viteve 1900, dhe besonte se kishte fuqinë të thithte energji elektrike nga qielli.
Autoritetet u shqetësuan se gjermanët po përdorin kullën për transmetimin e radios gjatë Luftës së Parë Botërore dhe e bombarduan kullën. Por shumë njerëz mendojnë ndryshe, duke supozuar se shpërthimi u bë qëllimisht nga Tesla për të mbledhur mbetjet metalike pasi kishte mbetur pa të holla.
Mbetjet e kullës po konvertohen në muzeun Tesla, të financuar nga fondet e turmës dhe një donacion prej 1 milion dollarë nga CEO i Tesla Motors, Elon Musk.
Pa shpikjet dhe studimet e tij, bota jonë moderne do të dukej ndryshe
Eksperimentet e Teslës mund të shihen në aspekte të shumta të teknologjisë bashkëkohore dhe jetës së përditshme, duke përfshirë ndriçimin fluoreshent, makinat me rreze x, radio, televizioni, telefonat celularë dhe më shumë. Fjalët e folura nga një prezantues në vitin 1917, kur Tesla mori medaljen Edison, vazhdojnë të jenë të vërteta: “Mjaftojmë të themi se po që se do të eliminonim nga bota e industrisë arritjet e Z. Tesla, rrota industriale do të ndalej, veturat dhe trenat do të ndaleshin, qytetet do të ishin të errëta dhe mullinjtë do të ishin të vdekur”.
Për kaq sa ka arritur, ai është bërë themeli dhe kulmi i botës së industrializuar.
