Ka përfunduar pak më parë procesi i numërimit të votave në pallatin e sportit “Ramazan Njala” në Durrës.
Nga rezultatet paraprake konfirmohet mandati i 8 për Partinë Socialiste, ndërsa PD mbetet në 6 mandate. Rezultat i dobët për Lëvizjen Socialiste për Integrim e cila edhe në këtë qark ka mbetur pa mandat.
Më herët në këtë qendër numërimi u shënua dhe një incident ku u hodhën shishe plastike në drejtim të kreut të PD të Durrësit, Ferdinand Xhaferri.
Konflikti nisi pasi përfundoi numërimi i kutisë së fundit të votave në atë KZAZ, që ishte edhe e fundit në qarkun e Durrësit.
Përplasja është ndezur atëherë kur Vangjush Dako ka ngritur dorën drejt Xhaferajt në formë të një përshëndetjeje “ironike” sipas Xhaferajt. Ky i fundit i ka kujtuar Dakos se është person “non grata” në SHBA.
Kjo ka mjaftuar që situata të tensionet dhe të përfundoje në sherr me shishe ku janë përfshirë edhe mbështetësit e tyre.
Situata është qetësuar shpejt dhe dy politikanët janë larguar nga konflikti, ndërsa nuk ka qenë e nevojshme të ndërhyjë policia.
