Policia spanjolle ka arrestuar gjashtë shqiptarë të moshës nga 25 deri 45 vjeç si pjesë e një grupi kriminal.
Të arrestuarit akuzohen për kultivim kanabisi. Hetuesit kishin marrë informacion për ekzistencën e një ndërtese ishte e transformuar për kultivimin e marihuanës, në qytetit portual të Alikantes.
Magazina prej 3 mijë metra katrorë kishte 7 dhoma dhe ishin të pajisura me aparaturat e duhura elektrike dhe sistem ajrimi për kultivim të brendshëm të kanabisit, ndërsa ruhej me turne nga trafikantët.
Gjetja e ndërtesës hasi vështirësi për hetuesit pasi ishte e vendosur në zonë strategjike dhe nuk vihej re.
Nga operacioni u sekuestruan 74 kg kanabis, boçe kanabisi, 1,300 euro, 808 llamba nxehtësie, 31 pajisje për ajër të kondicionuar, 19 filtra ajri dhe një gjenerator i madh elektrik. Ndërkohë, shqiptarët janë zënë në befasi në momentin kur është futur policia pasi ishin në gjumë.
