Ermal Meta arriti të marrë çmimin më të madh të muzikës italiane duke fituar në Sanremo.
Titull që nuk është aspak rastësor.
Një vit më parë ai kishte fituar një tjetër çmim në Sanremo, ndërsa është autor i disa këngëve të njohura.
Një emocion i papërshkrueshëm është shprehur kantautori Ermal Meta dhe ia kushtoi fitoren shtëpisë së vet diskografike duke u shprehur që ajo ka pasur besim tek ai, kur askush nuk kishte.
Muzika arrin aty ku fjalët nuk depërtojnë thanë Meta e Moro duke përcjellin mesazhin e ndjeshëm dhe të rëndësishëm kundër terrorizmit.
“Unë shkruaja të që ndiej të shkruaj. Është një instikt i brendshëm dhe e rëndësishme është të bësh gjërat me transparencë”, është shprehur Meta.
Ndërkohë që kantautori ka një histori me temat e ndjeshme që trajton në këngët e veta, kur jo më larg se vjet me “Vietato Morire”, “E ndaluar të vdesësh”, ai erdhi me një dedikim kundër dhunës.
Kënga u shpall fituese e çmimi të tretë.
Kantautori shqiptar lindi në Fier dhe emigroi në Itali në moshën 13-vjeçare, duke shkuar fillimisht në Bari, nga ku jetoi edhe 20 vite, më pas u transferua në Milano.
Megjithëse karriera e tij nisi në një vend si Bari, ajo ishte e destinuar të shkonte larg.
Këngëtari gjithmonë e ka përmendur origjinën e tij shqiptare: “Gjakun e kam shqiptar. Këtu kam lindur, e besoj se këtu do të vdes. Në fillim kemi qenë shumë të famshëm ‘underground’. Të njëjtin disk e publikuam universal, por ambienti vetë na përjashtoi”,
Në tekstin e “Vietato Morire”, Ermal Meta përmend mësuesen e tij Margarita, të cilën Top Channel e intervistoi në shkurt të 2017-s.
Karriera e tij filloi si kitarist i grupi Ameba 4, por dhe si kantautor i disa artistëve me emër italianë si Marci Mengoni, Emma, Chiara, Annalisa, Lorenzo Fragola, Giussy Ferreri etj.
Ai e preku për herë të parë Sanremon, në 2006, në kategorinë për të rinj.
Pas grupeve, debutimet e tij solo fillojnë me “Umano” dhe “Vietato Morire”.
Ermal Meta është gjithashtu fitues i çmimit të kritikës Mia Martini.
Ermal Meta e Fabrizio Moro do të prezantojnë Italinë në Eurovizion Song Contest 2018 në Lisbonë të Portugalisë.
