Kartëmonedhat e reja 20 euro do të mbërrijnë vitin e ardhshëm. Përfaqësuesit e Bundesbank thanë që nga 2021, kartëmonedhat 20 euro të serisë së dytë (seri Europë) do të vishen me një shtresë mbrojtëse pas shtypjes, e cila duhet të mundësojë një jetëgjatësi më të madhe të tyre.
E njëjta shtresë është përdorur tashmë në kartëmonedhat e prerjeve 5 dhe 10 euro të serisë së dytë.
“Kjo mbrojtje zbatohet për prerjet e euros me vlerë më të ulët sepse këto kartëmonedha kanë një qarkullim më të lartë, dmth ndryshojnë pronarët më shpesh sesa prerjet me vlerë më të lartë, kjo është arsyeja pse ato dëmtohen më shpejt dhe kanë një jetëgjatësi më të shkurtër”, tha Bundesbank.
Si më parë, kartëmonedhat euro të serive të para dhe të dyta (seri Europë) janë në qarkullim në të njëjtën kohë në prerjet vijuese: seritë e para: 5, 10, 20, 50, 100, 200 dhe 500; seritë e dyta: 5, 10, 20, 50, 100 dhe 200.
