Gazetarja e famshme e sportit në Itali, Dileta Letta, u detyrua t’u përgjigjej disa tifozëve që po i bënin thirrje me karakter vulgar.
Teksa kalonte në fushë për të raportuar ndeshjen Napoli-Brescia për DAZN Sports, tifozët thirrën në kor “Sono le sette, fuori le tette.”.
Edhe pse thirrjet nuk ishin shumë të qarta, u kuptua që tifozët i kërkonin gazetares të hiqte bluzën e të tregonte gjinjtë.
Leota, një nga gazetaret më të famshme në Itali, u duk e sikletosur në fillim, por gjithsesi e ruajti buzëqeshjen dhe u bëri me shenjë gishtin e kthyer kokëposhtë, me kuptimin “Jo OK”.
Fatkeqësisht, ngacmimi i gazetareve sportive femra është një shqetësim mbarëbotëror. Ka pasur raste të shumta kur ato janë puthur pa dëshirën e tyre nga tifozë apo sportistë që kanë kaluar kur kanë qenë duke raportuar, dhe shpesh kanë ngritur zërin kundër kësaj mënyre trajtimi.
