Policia ka mundur të identifikojë në kohë rekord dhe të vërë në pranga autorin e vrasjes së ndodhur një ditë më parë në fshatin Mborje të Korçës.
Pas një pune hetimore, policia ka vënë në pranga 18-vjeçari Devis Hoti, për vrasjen e 48-vjeçarit Flamur Duci.
Viktima u gjet mëngjesin e së enjtes pranë lokalit të tij i vrarë me thikë dhe sende të forta.
18-vjeçari Devis Hoti ka qenë një person i njohur për policinë e Korçës pasi ka qenë dhe më parë i dënuar për plagosje të rëndë me dashje. Sipas hetimeve, dyshohet se vrasja e 48-vjeçarit Duci, ka ardhur pas një sherri për motive të dobëta.
