16 persona kanë humbur jetën dhe 196 raste të reja me COVID-19 janë identifikuar në Kosovë gjatë 24 orëve të fundit, duke e çuar numrin e vdekjeve në total në 300.
Instituti i Shëndetit Publik në Kosovë bën të ditur se nga kryerja e 475 testeve, 196 persona kanë rezultuar pozitivë.
Numri total i rasteve pozitive ka shkuar në 9 688 raste nga 39.278 persona të testuar.
Nga ana tjetër mësohet se, gjatë 24 orëve të fundit, janë shëruar 134 pacientë duke e çuar numrin e përgjithshëm të të shëruarve në 5 480 persona, kurse numri i rasteve aktive është 3 908.
