Pesë qytetarë kanë rezultuar pozitivë me Covid-19 nga 4,064 testime të kryera në 24 orët e fundit në Shqipëri.
Rastet pozitive të konfirmuara janë identifikuar në këto bashki: 3 raste në Shkodër dhe nga një rast në Tiranë dhe në Vlorë.
Lajmi i mirë është se në 24 orët e fundit nuk ka asnjë humbje jete me Sars-Cov2 pozitiv.
Aktualisht janë 100 pacientë aktivë me COVID19 në vend.
Po marrin trajtim spitalor të specializuar 2 pacientë, njëri prej të cilëve është në terapi intensive.
Janë shëruar 12 qytetarë gjatë 24 orëve të fundit, duke e çuar numrin e të shëruarve në 129,941 që nga fillimi i epidemisë.
