Ekonomi BE, 50 mln euro Shqipërisë për të luftuar koronavirusin

BE, 50 mln euro Shqipërisë për të luftuar koronavirusin

Nga
American Eye
-

Bashkimi Evropian ka ofruar Shqipërisë një shumë prej 50 milionë eurosh, si mbështetje për të përballuar situatën e krijuar nga koronavirusi.

Lajmin e ka bërë të ditur, ambasadori i BE në vendin tonë, Luigi Soreca.

Soreca bën të ditur se BE ka ofruar 4 milion euro për pajisje të menjëhershme dhe mbështetje shëndetësore.

11 milionë euro për mbrojtjen sociale dhe deri në 35 milion euro për rikuperimin ekonomik.

Lajmin e ka përshëndetur kryeministri Edi Rama.

“Bashkimi Europian i akordon Shqipërisë 50 milionë euro për luftën kundër covid-19. Zoti i shqiptarëve është i madh”, shkruan Rama në Facebook.

Edhe Lulzim Basha ka reaguar pas lajmit se Bashkimi Evropian do të ndihmojë Shqipërinë me 50 milionë euro në betejën kundër COVID-19.
“Nuk jemi vetëm! Mirënjohje Bashkimit Europian për këtë ndihmë të çmuar për shqiptarët dhe Shqipërinë, në këtë ditë të vështirë!”, shkruan Basha në Twitter teksa ka shpërndarë postimin e ambasadorit të BE në Tiranë, Luigi Soreca.

ARTIKUJ TE NGJASHËMNGA AUTORI