Ekonomi “Çfarë pritet të jetë Turqia për Shqipërinë në investime”

“Çfarë pritet të jetë Turqia për Shqipërinë në investime”

I ftuar në emisionin e mëngjesit në TCH, ambasadori turk në Tiranë Ahmet Yoruk tha se Turqia po të shndërrohet për Shqipërinë në një ndër partnerët më strategjikë në fushat e biznesit në Shqipëri.

“Duhet të them që Turqia është vendi i parë në Shqipëri që po realizon investime të mëdha dhe strategjike në Shqipëri.

Po të shikojmë investimet pas vitit 1990, 3.5 miliardë dollarë, parashikohet të rritet akoma. Është një ndër partnerët më strategjikë në fushat e biznesit në Shqipëri.

Pas vizitës të kryeministrit është rënë dakord që ky vëllim të rritet deri në gjysmë miliardë dollarë mbase më shumë, kështu që Turqia është duke u fokusuar në projekte më gjigante, kështu që ne si Turqi po vazhdojmë të studiojmë terrenin.

Mund të themi në sektorët strategjikë që Shqipëria ka nevojë për të investuar patjetër që do i qëndrojmë pranë, do rritet dhe punësimi.

Në të gjitha bisedimet dhe takimet që kemi zhvilluar është rënë dakord që do thellohet bashkëpunimi mes dy ministrive për bujqësinë. Aktivitet dhe punimet tona po thellohen. Ne nuk shikojmë pasqyrën por veprën e personit. Ne fokusohemi te veprat dhe jo fjalët që i qëndisin bukur”, tha Yoruk në “Wake Up”

Në gjykimin e përfaqësuesit kryesor të Ankarasë në Tiranë, afrimi i Shqipërisë me Turqinë nuk ka asnjë arsye përse të shihet si zhvendosje nga BE

“Të dyja shtetet janë në përpjekje për t’u bërë vende të BE. Një projekt i zgjerimit të BE është diçka mbi politikë që e tejkalon edhe politikën.

Turqia po vazhdon rrugën drejt rrugës për në Bruksel, dialogu po vazhdon. Janë disa qarqe të caktuara të cilat janë në tentativë për të devijuar objektivin qoftë të Turqisë apo Perëndimit. Turqia është e gatshme të hapi një dialog”, tha Yoruk.