As afrimi i zgjedhjeve nuk e shpërqendron Europën nga përgatitjet e saj për të ridërguar njeriun në Hënë, një sfidë që mund të fitohet vetëm me një përpjekje të madhe të përbashkët, nëpërmjet një bashkëpunimi të gjerë ndërkombëtare që tejkalon çdo nacionalizëm, thotë drejtori i Agjencisë Hapësinore Europiane (ESA), Jan Worner me rastin e konferencës “The State of the Union”, që organizohet çdo vit nga Instituti Universitar Europian për të promovuar një reflektim mbi funksionimin demokratik të BE-së.
“Të rikthehesh sikurse kanë bërë 50 vite më parë amerikanët dhe sovjetikët do të ishte një gabim. Duhet të rikthehemi së bashku. Nuk është e drejtë të flasësh për një garë drejt Hënës, për një gare mes shtetesh. Hëna nuk është pronë e asnjë vendi, por një platformë e hapur”, theksoi Worner
“Nga ky shpirt bashkëpunimi ka lindur ideja e ‘Fshatit Hënor’, fshati shkencor ndërkombëtare që duhet të ndërtohet në Hënë si bazë kërkimesh dhe trampolinë drejt Marsit”, theksoi ai.
