Dr. Anthony Fauci, drejtori i Institutit Kombëtar të Alergjisë dhe Sëmundjeve Infektive, tha se ai rekomandon me ngulm që presidenti i zgjedhur amerikan Joe Biden dhe zëvendëspresidentja e zgjedhur Kamala Harris, të vaksinohen sa më shpejt të jetë e mundur.
“Për arsye sigurie, unë me të vërtetë ndiej se duhet t’i vaksinojmë ata sa më shpejt që të mundemi”, tha Fauci.
Fauci shtoi se Biden duhet të jetë i mbrojtur kur të futet në presidencë në muajin janar.
“Ne duam që ai të mbrohet plotësisht ndërsa hyn në Presidencë në janar”, tha eksperti i lartë i sëmundjeve infektive.
Më herët autoritetet amerikane kanë bërë me dije se të parët në radhë për t’u vaksinuar do të jenë punonjësit e kujdesit shëndetësor dhe të moshuarit që jetojnë në shtëpi kujdesi.
