Presidenti turk, Rexhep Tajip Erdogan kritikoi fuqitë perëndimore për mungesën e tyre të përgjigjes ndaj dhunës midis Izraelit dhe Palestinës, duke veçuar Austrinë dhe Shtetet e Bashkuara, të cilat ai tha se ishin “duke shkruar histori me duar të përgjakshme”.
Erdogan, një mbrojtës i zëshëm i palestinezëve, ka kontaktuar udhëheqësit botërorë gjatë javës së kaluar, duke bërë thirrje për veprim të fortë kundër Izraelit, pasi armiqësitë më të ashpra rajonale në vite nuk tregojnë asnjë shenjë të zbutjes.
Duke folur pas një takimi të kabinetit, Erdogan kritikoi miratimin e presidentit të SHBA, Joe Biden për shitjet e armëve në Izrael.
“Ju po shkruani historinë me duart tuaja të përgjakshme në këtë incident që është një sulm serioz joproporcional në Gaza, i cili po çon në martirizimin e qindra mijëra njerëzve,” tha ai.
“Ju më detyruat ta them këtë”, shtoi më tej Erdogan.
Administrata e Biden miratoi të hënën shitjen e mundshme të 735 milionë dollarëve në armë të drejtuara me precizion për Izraelin, sipas burimeve të kongresit.
Erdogan dënoi edhe veprimin e Austrisë për valëvitjen e një flamuri izraelit mbi kancelarinë federale në Vjenë të premten.
“Shteti i Austrisë po përpiqet t’i bëjë myslimanet të paguajnë çmimin për hebrenjtë që iu nënshtrua gjenocidit”, tha Erdogan.
Kancelari austriak Sebastian Kurz, i cili është me vendosmëri pro-izraelit, e kishte quajtur lëvizjen një shenjë solidariteti mes përplasjeve.
