Inter po tenton të marrë Paulo Dybalan, pa patur nevojë që të ketë një shkëmbim me Mauro Icardin.
“La Gazzetta dello Sport” ka bërë me dije se drejtuesit e klubit zikaltër po shfrytëzojnë të gjithë lidhje me argjentinasin për ta marrë në Milano, por më parë duhet bindur Juventusi.
Sipas asaj që shkruan media italiane, faktori i parë që po shtyn drejt Dybala është trajneri Conte, i cili e dëshiron në skuadër dhe vetë Dybala ndihet mirë me të, i cili i premton ta kthejë në nivelet e tij më mira, si në sezonin 2017-18, kur shënoi 26 gola në një sezon.
Efekti i dytë është Beppe Marotta, të dy pjesë e Juventusit dhe do të kishin dëshirën e madhe për t’i treguar ish-klubit vlerën e tyre, por mbi të gjitha Dybala me Marottan drejtues do të ishte i mbrojtur nga gjithçka.
Më pas është lidhja e ngushtë që Dybala ka me Lautaro Martinez, të dy nga Argjentina dhe shoqërohet shumë me njëri-tjetrin.
Së fundi është efekti Edin Dzeko. Nëse Dybala kalon në Milano, pykë në sulm do të jetë boshnjaku dhe çdo sulmues i dytë që ka luajtur pranë tij ka shpërthyer. Një lojtar me nuhatje të madhe goli që shërben mjaft mirë edhe për ndihmësit e tij dhe padyshim Dybala-Dzeko do ishin një kartë fituese. Grafite shpërtheu krah Dzekos tek Wolfsburg, Aguero tek Manchester City dhe Salah kur ishte me boshnjakun tek Roma.
