Jeff Bezos e ka kaluar ndoshta Bill Gates në klasifikimin e njerëzve më të pasur në botë, por themeluesi i Microsoft mund të ngushëllohet (përtej se me 100 miliardë dollarët që disponon në llogari) edhe me titullin si mashkulli më i admiruar në botë.
Një titull aspak i mirëqenë, duke marrë parasysh se Gates mundi personalitete shumë të dashur si ish presidenti i SHBA Barack Obama, Dalai Lama dhe “yje” të sportit si Cristiano Ronaldo, dhe ku mungojnë personazhe të famshme si Mark Zuckenberg.
Klasifikimi i përgatitur nga You Gov, portali britanik që mbledh një komunitet aktiv në rang botëror që tejkalon 6 milionë persona.
Surprizon që në renditjen e përgjithshme ndodhen edhe liderë shumë të diskutuar si presidenti kinez Xi Jinping në vendin e katërt, Vladimir Putin në e dhjetë dhe presidenti turk Erdogan në vendin e 19-të. Presidenti amerikan Donald Trump ndodhet në vendin 1 14-të, gjithsesi sipër Papa Franceskut.
Ego-ja e Cristiano Ronaldos (i shtati) u ledhatua nga fakti që mundi sërish rivalin Messi, që ndodhet në vendin e 9-të.
Ndërkohë në listën e grave ka pasur ndryshime. Angelina Jolie ka kaluar nga vendi i parë në vendin e tretë. Gruaja më e admiruar për vitin 2019 është Michelle Obama. Ish-Zonja e Parë e Amerikës ndiqet nga Oprah Ëinfrey në vendin e dytë.
Mbretëresha Elizabeta e Anglisë mbeti jashtë podiumit, por sërish në pozicion të kënaqshëm. Ndërkohë, për herë të parë futet në klasifikim edhe “first lady” amerikane, Melania Trump (e 19-ta).
Përtej klasifikimit të përgjithshëm, ekzistojnë edhe klasifikime sipas vendit, ku nuk mungojnë surprizat. Në Angli, mashkulli më i admiruar është sir David Attenborough, një nga personazhet më të dashura të dokumentarëve të BBC, ndërkohë që në Japoni admirimin për perandorin Akihito nuk e diskuton kush.
Në renditje, ka vend edhe për mitet e kinematografisë dhe aksionit si Jackie Chan, i treti në klasifikim. Kush nuk do të donte të zotëronte aftësitë e tij në karate? Ndoshta edhe vetë Bill Gates.
