Herman James, një berber 33-vjeçar nga New York-u, është një nga të paktët njerëz që ka arritur të zhvillojë biznesin e tij dhe ta ngrejë atë në një nivel të ri në vitin e fundit që kur bota u pushtua nga pandemia e koronavirusit. Kur hyn në fuqi masat kundër Covid për të mbyllur sallonin, James nuk mendoi shumë se çfarë të bënte me ekzistencën e tij, ai mori pajisjet dhe shkoi në park.
Ai vendosi mbishkrimin “Berber nga Central Park – Prerje e flokëve falas”, duke shpresuar se do t’i gëzojë bashkëqytetarët e tij në kohë të vështira dhe ata do t’ia kthejnë atij me donacione të vogla. Pas vetëm dhjetë minutash, arriti klienti i parë, dhe shumë shpejt i dyti.
“Unë shkova në park pas 90 ditësh mbyllje, njerëzit kishin nevojë për një prerje flokësh”, tha James.
Herman thotë se zakonisht i lënë 20 deri në 30 dollarë, që ka të bëjë me koston e një prerje flokësh në sallonet e New York. Disa lanë vetëm një dollar, dhe një person dhe 200. Rojet e parkut u hutuan në fillim, por e lejuan të qëndronte.
“Askush nuk ka bërë diçka të tillë më parë. Nuk kishte raporte ose leje. Ata nuk dinin vërtet se çfarë të bënin me mua”, tha floktari.
Në bllokimin më të rreptë ai kishte 20 deri në 25 prerje flokësh në ditë, dhe sot ka 10 deri në 15.
James ende punon në natyrë edhe pse sallonet janë hapur. Ai thotë se nuk ka në plan të kthehet atje ku ka punuar.
“Ka ende kërkesa. Njerëzit shijojnë prerjet e flokëve në natyrë dhe është më e sigurt të jesh jashtë në këto kohë pandemike”, thotë James.
